---
title: "സ്വകാര്യ ബസിൽ നിന്ന് തെറിച്ചുവീണ് കോളേജ് വിദ്യാർഥിനി മരിച്ചു; ദാരുണമരണം അഴിഞ്ഞുവീണ ഷൂ എടുക്കാൻ ശ്രമിക്കുന്നതിനിടെ"
english_title: "Palakkad College Student Dies After Falling From Private Bus"
publisher: "truevisionnews.com"
canonical_url: "https://truevisionnews.com/news/379204/ palakkad-college-student-dies-falling-from-bus"
published_at: "2026-08-19T15:51:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a85872fa349b_palakkad-college-student-dies-falling-from-bus.jpg"
keywords: ["Private Bus Accident", "Child Death", "Palakkad Bus Accident", "Gourikrishna Death"]
---

# സ്വകാര്യ ബസിൽ നിന്ന് തെറിച്ചുവീണ് കോളേജ് വിദ്യാർഥിനി മരിച്ചു; ദാരുണമരണം അഴിഞ്ഞുവീണ ഷൂ എടുക്കാൻ ശ്രമിക്കുന്നതിനിടെ

> **Lead Summary:** **പാലക്കാട്: **) പാലക്കാട് കോങ്ങാട് സ്വകാര്യ ബസിൽ നിന്ന് തെറിച്ചുവീണ് കോളേജ് വിദ്യാർഥിനി മരിച്ചു. മുണ്ടൂർ യുവക്ഷേത്ര കോളേജിലെ രണ്ടാം വർഷ ബി.എസ്.സി കെമിസ്ട്രി വിദ്യാർഥിനിയായ കോങ്ങാട് സ്വദേശിനി ഗൗരി ജി. കൃഷ്ണ ആണ് മരിച്ചത്. കോങ്ങാട് മല്ലിക്കൽ ബസ് സ്റ്റോപ്പിന് സമീപം ബുധനാഴ്ച രാവിലെയാണ് അപകടമുണ്ടായത്.

## Article Content

**പാലക്കാട്: **) പാലക്കാട് കോങ്ങാട് സ്വകാര്യ ബസിൽ നിന്ന് തെറിച്ചുവീണ് കോളേജ് വിദ്യാർഥിനി മരിച്ചു. മുണ്ടൂർ യുവക്ഷേത്ര കോളേജിലെ രണ്ടാം വർഷ ബി.എസ്.സി കെമിസ്ട്രി വിദ്യാർഥിനിയായ കോങ്ങാട് സ്വദേശിനി ഗൗരി ജി. കൃഷ്ണ ആണ് മരിച്ചത്. കോങ്ങാട് മല്ലിക്കൽ ബസ് സ്റ്റോപ്പിന് സമീപം ബുധനാഴ്ച രാവിലെയാണ് അപകടമുണ്ടായത്.

രാവിലെ കോളേജിലേക്ക് പോകുന്നതിനായി ഗൗരി ബസിൽ കയറിയതായിരുന്നു. യാത്രയ്ക്കിടെ വിദ്യാർഥിനിയുടെ ഒരു ഷൂ അഴിഞ്ഞ് പുറത്തേക്ക് വീഴുകയായിരുന്നു. ഷൂ എടുക്കാനായി കുട്ടി ബസിൽ നിന്ന് ഇറങ്ങാൻ ശ്രമിക്കുന്നതിനിടെ ബസ് മുന്നോട്ടെടുത്തു. ഈ സമയം ബസിൽ നിന്ന് തെറിച്ചുവീണ ഗൗരിയുടെ ശരീരത്തിലൂടെ ബസ് കയറിയിറങ്ങിയതായി നാട്ടുകാർ പറയുന്നു.

അപകടം നടന്ന ഉടൻതന്നെ നാട്ടുകാരും സഹയാത്രികരും ചേർന്ന് കുട്ടിയെ പാലക്കാട്ടെ സ്വകാര്യ ആശുപത്രിയിൽ എത്തിച്ചു. എന്നാൽ ഗുരുതരമായി പരിക്കേറ്റ ഗൗരിയുടെ ജീവൻ രക്ഷിക്കാനായില്ല. കോങ്ങാട് സ്വദേശിയായ എം.പി. ഗോപീകൃഷ്ണന്റെയും ബീനയുടെയും മകളാണ് ഗൗരി. സംഭവം നാട്ടിൽ വലിയ ദുഃഖം പരത്തി.

ബസിന്റെ ഡ്രൈവറുടെ ഭാഗത്തുനിന്ന് അശ്രദ്ധയുണ്ടായോ എന്നതുൾപ്പെടെ പൊലീസ് അന്വേഷണം നടത്തുന്നുണ്ട്. യാത്രക്കാർ ഇറങ്ങുന്നതിനും കയറുന്നതിനും മുൻപ് ബസ് നിർത്തുന്ന കാര്യത്തിൽ ഡ്രൈവർമാർ കൂടുതൽ ശ്രദ്ധിക്കണമെന്ന ആവശ്യവും ശക്തമായിട്ടുണ്ട്.

**English Summary**

An 18-year-old college student, Gouri G. Krishna, died after falling from a private bus in Palakkad. The second-year BSc Chemistry student at Mundur Yuva Kshetra College was from Kongad. The accident occurred on Wednesday morning near Mallikkal bus stop in Kongad. According to reports, her shoe fell out of the bus, and while she attempted to get down to retrieve it, the bus started moving. She fell and was run over by the bus. She was taken to a private hospital in Palakkad but could not be saved. She is the daughter of M.P. Gopikrishnan and Beena of Kongad. Police are investigating the incident.

### Related Links & Sources
- [Original Story Source](https://truevisionnews.com/news/379204/ palakkad-college-student-dies-falling-from-bus)